১. আদানী গ্ৰুপক হিণ্ডেনবাৰ্গ গোচৰত ছেবিৰ ক্লীন চিট: ভাৰতীয় ছিকিউৰিটিজ এণ্ড এক্সচেঞ্জ ব'ৰ্ডে (SEBI) আদানী গ্ৰুপক হিণ্ডেনবাৰ্গ গোচৰত ক্লীন চিট প্ৰদান কৰিছে। ছেবিয়ে আদানী গ্ৰুপ আৰু ইয়াৰ বিষয়াসকলৰ বিৰুদ্ধে উত্থাপিত অভিযোগসমূহৰ প্ৰমাণ দিব পৰাকৈ কোনো সুনিৰ্দিষ্ট তথ্য নোপোৱা বুলি স্পষ্ট কৰিছে। ২০২৫ চনৰ ১৮ ছেপ্টেম্বৰত জাৰি কৰা চূড়ান্ত আদেশত ছেবিয়ে গৌতম আদানী, তেওঁৰ ভাতৃ ৰাজেশ আদানী আৰু আদানী গ্ৰুপৰ ফ্লেগশ্বিপ কোম্পানীসমূহক দোষমুক্ত কৰে।
২. এয়াৰ ইণ্ডিয়া বিমান দুৰ্ঘটনাক লৈ আমেৰিকাৰ আদালতত গোচৰ: যোৱা ১২ জুনত সংঘটিত এয়াৰ ইণ্ডিয়া ফ্লাইট ১৭১ বিমান দুৰ্ঘটনাত নিহত চাৰিজন যাত্ৰীৰ পৰিয়ালে আমেৰিকাৰ আদালতত বোয়িং আৰু হানিৱেলৰ বিৰুদ্ধে গোচৰ তৰিছে।
৩. চৌদি আৰব-পাকিস্তান প্ৰতিৰক্ষা চুক্তিৰ ওপৰত ভাৰতৰ নজৰ: চৌদি আৰব আৰু পাকিস্তানৰ মাজত হোৱা প্ৰতিৰক্ষা চুক্তিৰ ওপৰত ভাৰতে তীক্ষ্ণ নজৰ ৰাখিছে আৰু নিজৰ স্বাৰ্থ সুৰক্ষিত কৰিবলৈ প্ৰতিশ্ৰুতিবদ্ধ।
৪. অনিল আম্বানী আৰু ৰাণা কাপুৰৰ বিৰুদ্ধে চিবিআইৰ অভিযোগ: চেণ্ট্ৰেল ব্যুৰো অৱ ইনভেষ্টিগেচন চমুকৈ চিবিআইয়ে (CBI) ২,৭৯৬ কোটি টকাৰ দুৰ্নীতিৰ গোচৰত অনিল আম্বানী আৰু ৰাণা কাপুৰৰ বিৰুদ্ধে অভিযোগনামা দাখিল কৰিছে।
৫. ভাৰতীয় কাৰ্যবাহীসকলৰ আমেৰিকাৰ ভিছা বাতিল: 'ড্ৰাগছ সৰবৰাহ' (ফেন্টানিলৰ অভিযোগ) সন্দৰ্ভত আমেৰিকাই কেইবাজনো ভাৰতীয় কাৰ্যবাহীৰ ভিছা বাতিল কৰিছে।
৬. ৰাহুল গান্ধীৰ সংবাদমেলক লৈ বিতৰ্ক: ভোটাৰৰ নাম কৰ্তনৰ বিষয়ত ৰাহুল গান্ধীয়ে এক সংবাদমেলত কিছু ব্যক্তিৰ নাম, ফটো আৰু ব্যক্তিগত ফোন নম্বৰ প্ৰদৰ্শন কৰাৰ পিছত বিতৰ্কৰ সৃষ্টি হৈছে। এজন ব্যক্তিয়ে এই সন্দৰ্ভত অভিযোগ দাখিল কৰাৰ পৰিকল্পনা কৰিছে।
৭. কেৰালাত 'ব্ৰেইন ইটিং এমিবা'ৰ আতংক: কেৰালাত 'ব্ৰেইন ইটিং এমিবা'ৰ ঘটনা বৃদ্ধি পোৱাৰ ফলত আতংকৰ সৃষ্টি হৈছে।